Etorkizuneko Lanbideen El Espazio Irungo Enpleguaren aldeko Hitarmen Nagusitik bultzatutako proiektu bat da, eta Bidasoa activa-Bidasoa bizirik Bidasoako Garapen Agentziak garatu du.
Proiektua 2005eko udazkenean hasi zen sortzen, eta 2007ko udan jarri zen martxan. Helburua zen lan-munduan azken urteetan izandako aldaketak zabaltzea hiritarren artean eta, aldi berean, pertsonak orientatu eta gaitzea lan-ingurune berrian gara daitezen.
Aldaketa azkarreko testuinguruak agerian uzten zuen tresnak eta baliabideak sortu behar zirela aldaketa horiek aukerak zabaltzeko ikuspegitik jorratzeko. Lan berriak eta orientabide profesionala etorkizuneko apustuak dira, eta esan nahi dute arreta-gunea jada ez direla langabezia eta politika erreaktibo klasikoak bakarrik, baizik eta beharrezkoa dela prebentziozko eta enpleguaren kalitatean ardaztutako esku-hartzea gauzatzea.
Etorkizuneko Lanbideen El Espazio sortuta, norabidea aldatzen hasi gara, eta, era berean, zabaldu egin dugu Bidasoa activa-Bidasoa bizirikek 1992an eratu zenetik garatzen ari den doako zerbitzuak eta jarduera-eskaintza: Aholkularitza pertsonalizatua, aurretiko hitzordurik gabe; enplegua bilatzen eta norbera garatzen laguntzeko tailer espezifikoak; talde-jarduerak, batik bat Eskoletarako eta Institutuetarako, eta Intranet sendo bat, hainbat tresna multimedia dituela ikasleei eta hiritar orori laguntza espezifiko garrantzitsua eskaintzeko, beren lanbide-orainari edo geroari buruzko erabakiak hartzeko prozesuei begira.
